Psa 87 | TglASD | STEP

Psalms 87

Papuri sa Jerusalem

1 – 2 Itinayo ng Panginoon ang lungsod ng Jerusalem ^{▼▼Jerusalem: o, Zion.} sa banal na bundok.
Mahal niya ang lungsod na ito kaysa sa lahat ng lugar sa Israel. ^{▼▼Israel: sa Hebreo, Jacob.}
3 Magagandang bagay ang kanyang sinasabi tungkol sa lungsod na ito.
4 Sabi niya, “Kung ililista ko ang mga bansang kumikilala sa akin,
isasama ko ang Egipto, ^{▼▼Egipto: sa Hebreo, Rahab. Ito ang tawag sa dragon na sumisimbolo sa Egipto.} ang Babilonia, pati na ang Filistia, Tyre at Etiopia.
Ibibilang ko ang kanilang mga mamamayan na tubong Jerusalem.”
5 Ito nga ang masasabi sa Jerusalem, na maraming tao ang ibibilang na tubong Jerusalem.
At ang Kataas-taasang Dios ang siyang magpapatatag ng lungsod na ito.
6 Ililista ng Panginoon ang kanyang mga mamamayan
at isasama rin niya ang maraming taong ibibilang niyang mga tubong Jerusalem.
7 Silang lahat ay magsisiawit ng, “Ang lahat ng ating mga pagpapala ay sa Jerusalem nagmula!”